吴文忻分享赴泰注射肿瘤疫苗过程 直言曾担心因感觉肿瘤「变大又变硬」

吴文忻50岁嘅吴文忻（现改名吴忻熹Nathaliie），1998年参选港姐夺季军入行，早前接受传媒访问自揭两年前曾患乳癌，今年第三期复发，并扩散至淋巴腺，所以要做化疗同免疫治疗。积极治疗面对嘅佢喺网上分享抗癌经历，最近仲去咗泰国曼谷接受注射「TTV肿瘤疫苗」，以正面心态面对病情！吴文忻早前经历丧父之痛，不过近日佢似乎已经走出阴霾，精神奕奕咁赴泰抗癌。吴文忻喺社交网站上载影片分享赴泰注射「TTV肿瘤疫苗」，佢喺注射疫苗前已经有晒心理準备，疫苗后会有发烧及周身骨痛等不适。喺到达医院后，为咗可以提升自身免疫细胞，佢先注射2只营养液，之后先注射肿瘤疫苗。喺注射营养液期间，吴文忻讲述佢近日嘅状况，表示之前有啲担心有恶化机会，因为感觉到胸部肿瘤硬块变返大又变硬，好彩经过检查后报告显示佢体内嘅癌细胞指数係有持续降低，听完佢即刻安心晒。之后，吴文忻趴喺病床上，为网民直击由当地护士帮佢注射疫苗嘅过程，由于疫苗注射位置係喺臀部，佢亦笑住话「好耐冇打冇俾人打过屁股」。注射后，佢就话开始感觉到越来越「冤」，未去到之前讲嘅咁痛，未有发烧嘅情况，所以佢都接受到。完成注射治疗离开后，吴文忻睇落精神不错，一路行一路表示臀部开始感到痛及「冤」。去到注射治疗第二日，佢食早餐期间就表示噚晚身体开始出现「冤痛」和发烧，但身体状况依然OK，所以冇食止痛药。而喺上飞机前，吴文忻表示自己服食止痛药，费事辛苦自己，不过就算唔服食，佢都话自己可以顶得顺。吴文忻再透露话两星期后再飞曼谷接受注射「TTV肿瘤疫苗」，之后可能係day trip去曼谷，不过佢係抱住旅行心态去睇今次嘅「三日两夜」治疗之旅，所以佢觉得几开心，原因係令佢有藉口放假，放下照顾女儿嘅责任去食嘢及揼骨。返到香港屋企后，吴文忻便收到检查报告，报告显示佢体内嘅免疫细胞状态係足够对抗癌细胞，亦唔需要再做细胞回输，只需要每两星期去注射「TTV肿瘤疫苗」，持续观察3个月再做检查，最后佢就大呼「希望快啲好返啦！」。影片出街后，唔少网民纷纷留言为佢打气，例如「加油加油」、「打赢佢」、「加油！祝你快快康复」、「一定会幸福健康平安的」、「等你好消息」及「一定会好快就好返」等等。吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻IG影片截图吴文忻吴文忻吴文忻吴文忻按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！其他人也在看